WararkaWaxbarashada

Jackson iyo Macallimiinta Qaar oo Ka Falceliyay Soo Jeedinta ah In La Hubeeyo 20% Macallimiinta Mareykanka

 

Jilaaga caanka ah ee reer Mareykan “Samuel L. Jackson” ayaa weeraray  Donald Trump, isagoo ka falcelinaya soo jeedinta Madaxweynaha ee ahayd in la hubeeyo macallimiinta  si loo yareeyo khasaaraha weerarrada hubaysan ee gudaha Iskuulaadka.

Samuel oo 69 jir ah ayaa Trump ku weeraray bartiisa Twitter-ka waxaanuu ku tilmaamay inuu yahay qof “Lacnadi ku dhacday“, warkan ayaan qabsaday barta twitter-ka oo aad looga hadalhayaa.

Waxa uu hoosta ka xariiqay in “Soo jeedinta ah in macallimiinta la hubeeyo, ay hoosta ka xariiqda sida uu madaxweynuhu jaahil uga yahay iska horimaadka hubaysan.”

Laila Garcia oo ah guddoomiyaha Jamciyadda Waxbarashada Waddaniga ah ayaa dhankeeda tiri in macallimiinta la hubeeyo wax xal ah uma ah uma noqoneyso weerarrada hubaysan ee iskuulaadka ka dhaca.

Madaxweyne Trump ayaa Arbacadii lasoo dhaafay ee Feburay 21, soo jeediyay in 20% macallimiinta Mareykanka la hubeeyo, gaar ahaan kuwa tababarrada dhibowga ah soo maray, arrintan ayaa keentay in macallimiin badani ay soo jeedintaa si aad ah uga horyimaaddaan ayna ku tilmaamaan mid aan waxba ka tareyn xalka mushkiladda.

Maandeeq FM 

Related Articles

Close